" යදමින් බැද විලංගු ලා
මගේ පුතා රැගෙන යන්න...
ඉදිකටු ඇන ඇඟිලි තලා
දෙතිස් වදය පමුණුවන්න...
අලුත් ලොවක් ගැන සිතීම
දඩුවම් දෙන වරද නම්,
කුමට එරට අධිකරණය, නීතිය සහ විනිසුරන්..."

" කකා බිබී නටන අතර
නරුම යහළු යෙහෙලියන්...
පන්දු කෙලින අතර ඉහල
පාසල් වල අමනයන්...
රට ගිනිගෙන ඇති බව දුටු
මගෙ එකම පුතුනුවන් !
එගිනි නිවන මග සෙවීම,
වරදක් දැයි මට කියන්..."

" ගිනි ගන්නා රටක් කෙලින
මී හරකුන් වැනි පුතුන් !
කුමටද මට මහ විරුවෙකි.
සිරගෙයි මල මගේ පුතුන්...
කෝටි ගණන් බිහි වේවා...!
මගේ පුතු වැනි තව පුතුන්.
කිරි මව් ලෙස මම ඉන්නම්.
එවන් පුතුන් ලඟ උතුම්..."

- නන්දා මාලිනියන් -